Новости

Врз основа на член 84 став 1 од Закон за вработувањето и осигурување во случај на невработеност („Службен весник на Република Македонија” („Службен весник на Република Македонија“ бр. 37/97, 25/00, 101/00, 50/01, 25/03, 37/04, 4/05, 50/06, 29/07, 102/08, 161/08, 50/10, 88/10, 51/11, 11/12, 80/12, 114/12, 39/14, 44/14, 44/14, 113/14, 56/15, 129/15, 147/15, 154/15, 27/16, 119/16, 21/18, 113/18 и „Службен весник на Република Северна Македонија“ бр. 124/19, 103/21, 274/22, 132/25 и 269/25) и Програмата за извршување на јавни работи во Општина Пробиштип за 2026 година бр. 26-1101/17 од 09.12.2025 година, Градоначалникот на општина Пробиштип распиша:

ЈАВЕН ОГЛАС
За работно ангажирање на работници по
Акциониот план за јавни работи

Општина Пробиштип има потреба од работно ангажирање на осум работници за време од единаесет месеци со скратено работно време, за извршување на работи од јавен интерес на територијата на општина Пробиштип, а кои се однесуват на одржување и уредување на јавни површини и инфраструктурни објекти согласно Акциониот план за вршење на јавните работи.
Заинтересираните кандидати потребно е да достават:
-Пријава и
– Потврда од Агенцијата за вработување дека се невработени.
Огласот трае 5 денови од денот на објавувањето односно до 30.01.2026 година.
Очекувана паричен надоместок за извршената работа: 16.000 денари месечно.
Ангажираните работници ќе бидат осигурани во случај на несреќа при работа и професионално заболување.
Пријавите се доставуваат директно во Архивата на општина Пробиштип .

Општина Пробиштип

ДНЕВЕН РЕД

на 6-та редовна седница на Советот на

општина Пробиштип

(29.01.2026 година, 15:00)

1. Програма за работа на ЈКП Никола Карев Пробиштип за 2026 година;
2. Финансиски план на ЈКП Никола Карев Пробиштип за 2026 година;
3. Одлука за утврдување на вредност на бод за пресметување на плати за вработените во ЈКП Никола Карев за 2026 година;
4. Извештај од реализиран попис на основни средства, опрема, инвентар, материјали, обврски, побарувања, хартии од вредност и парични средства на благајна на Општина Пробиштип со состојба на 31.12.2025 година;
5. План за запишување на ученици во прва година во СОУ „Наум Наумовски Борче“ Пробиштип за учебната 2026/2027;
6. Одлука за утврдување на потреба за поставување на урбана опрема на подрачјето на Општина Пробиштип;
7. Програма за поставување на урбана опрема на територијата на Општина Пробиштип за 2026 година;
8. Финансиски ивештај за реализација на Буџетот на Општина Пробиштип за период од 01.01.2025 до 31.12.2025 година;
9. Одлука за утврдување на вредност на бод за административните службеници во Општина Пробиштип за 2026 година;
10. Одлука за редовно ажурирање на ,,Процена на загрозеноста на подрачјето на Општина Пробиштип од сите ризици и опасности”;
11. Програма за изменување на Програмата за социјална, детска и здравствена заштита;
12. Одлука за остварување на право на партиципација во трошоците за згрижување и воспитание на деца од предучилишна возраст за деца кои престојуваат во ЈОУДГ„Гоце Делчев“ Пробиштип;
13. Одлука за утврдување на критериумите и начинот на остварување на правото на еднократна парична помош за корисници на надоместок од Центарот за социјални работи, жители на општина Пробиштип;
14. Одлука за воспоставување на меѓуопштинска соработка помеѓу Општина Пробиштип и Општина Кратово;
15. Решение за именување на членови во заедничката комисија за подготовка на актите за воспоставување на меѓуопштинска соработка помеѓу Општина Пробиштип и Општина Кратово.

Општина Пробиштип ја информира јавноста дека е во фаза на изработка на Програма за поставување на урбана опрема за 2026 година.

Со Програмата се уредуваат видовите на урбана опрема, локациите на кои таа се поставува, како и начинот и условите за нејзино поставување, дислоцирање и отстранување, во согласност со важечката законска регулатива.

Со цел донесување на квалитетна и сеопфатна Програма, која ќе биде во интерес на сите граѓани, Општина Пробиштип организира Јавна презентација на Предлог-програмата за поставување на урбана опрема.

Се повикуваат сите заинтересирани граѓани, институции и правни лица да присуствуваат и да дадат свои мислења, предлози и сугестии.

Јавната расправа ќе се одржи на 27.01.2026 година (вторник), со почеток во 12:00 часот, во салата за состаноци во Домот на културата „Злетовски Рудар“.

Учеството на јавноста е од особено значење за создавање на пофункционално, уредено и квалитетно урбано живеење во Општина Пробиштип.

годишен финансиски план за 2026 година

програма за работа за 2026 година

По повод православниот христијански празник Богојавление – Водици, на 19.01.2026 година (понеделник) ќе се одржи традиционалната манифестација „Чествување на Водици“ во Злетово и Пробиштип.

Во Злетово, настанот ќе започне во 07:30 часот на локацијата „Пешка“, каде ќе се изврши осветување на водите на Злетовска Река и потопување на светиот крст. Светата литургија во црквата „Пресвета Богородица“ ќе започне во 06:00 часот.

Во Пробиштип, манифестацијата ќе се одржи во 11:00 часот на Аква паркот, каде ќе се осветат водите во градскиот базен и ќе се одржи традиционалното капење по светиот крст. Светата литургија во црквата „Успение на Пресвета Богородица“ ќе започне во 08:00 часот.

По завршувањето на литургиите, од двете цркви ќе се тргне со свечена литија кон местата на одржување на настаните, каде ќе се изврши чинот на осветување на водите и потопување на светиот крст.

Ги известуваме сите младоженци кои во текот на изминатата година стапиле во брак, како и сите граѓани кои имаат желба да учествуваат во капењето по светиот крст, дека е задолжително да извршат пријава во црквите во Пробиштип и Злетово.

Пријавувањето ќе се врши од 16 до 18 јануари 2026 година, секој работен ден, во период од 09:00 до 16:00 часот. Лицата кои нема да бидат пријавени нема да можат да учествуваат во капењето по светиот крст.

ОПШТИНА ПРОБИШТИП

Општина Пробиштип согласно Одлуката за субвенционирање на сметки за комунални услуги према ЈКП Никола Карев Пробиштип за лицата со оштетен вид и Програмата за социјална заштита за 2026 година со број 26-1101/22 од 09.12 2025 година обезбедува финансиски средства за субвенционирање на сметки за комунални услуги во износ од 500 ден. за корисници на додаток за слепило од ЈУ Центар за социјална работа Пробиштип.
Се повикуваат лицата со оштетен вид , корисници на додаток за слепило од ЈУ Центар за социјална работа Пробиштип и нивните семејства кои сакаат да ја користат мерката да поднесат барање во тековната година. Барањето може да го поднесе корисникот на мерката или член на неговото потесно семејство во негово име во Одделението за јавни дејности при општина Пробиштип.
Субвенцијата на сметките за комунални услуги према ЈКП Никола Карев Пробиштип ќе се остварува од месецот на поднесување на барање до општина Пробиштип.

ПРИЛОЗИ КОН БАРАЊЕТО
1. Фотокопија од лична карта на подносителот на барањето
2. Фотокопија од лична карта на корисникот на мерката
3. Фотокопија од Решение за користење на надоместок за попреченост-слепило издадено од ЈУ Центар за социјална работа“ Пробиштип
4. Фотокопија од последна сметка за комунални услуги
5. Изјава за согласност за обработка на лични податоци

ОПШТИНА ПРОБИШТИП

Барање за субвенционирање на сметки за комунални услуги за лица со оштетен вид

Барање за субвенционирање на сметки за комунални услуги за лица со оштетен вид

ДНЕВЕН РЕД

на 5-та редовна седница на Советот на општина Пробиштип

(29.12.2025 година, 12:00)

1. Програма за работа на Територијалната Противпожарна Единица Пробиштип за 2026 година и годишен план за настава;
2. Финансиски план на ООУ „Браќа Миладиновци“ Пробиштип за 2026 година;
3. Изманување на Годишен план за вработување на ООУ Браќа Миладиновци за 2026 година;
4. Финансиски план на ООУ „Никола Карев“ Пробиштип за 2026 година;
5. Финансиски план на СОУ „Наум Наумовски Борче“ Пробиштип за 2026 година;
6. Финансиски план на ЈОУ ДГ „Гоце Делчев“ Пробиштип за 2026 година;
7. Програма за работа на ОУ Дом на култура „Злетовски рудар“ Пробиштип за 2026 година;
8. Финансиски план на ОУ Дом на култура „Злетовски рудар“ Пробиштип за 2026 година;
9. Одлука за Меѓуопштинска соработка помеѓу Општина Кратово и Општина Пробиштип;
10. Одлука за Меѓуопштинска соработка помеѓу Општина Свети Николе и Општина Пробиштип;
11. Буџет на Општина Пробиштип за 2026 година;
12. Одлука за извршување на буџет на Општина Пробиштип за 2026 година;
13. Програма за работа на Совет на Општина Пробиштип за 2026 година.
14. Иницијатива за изработка на урбанистички проект за парцела во село Пишица со самофинансирање
15. Иницијатива за изработка на урбанистички проект за парцела во село Пишица со донација
16. Разрешување на членови во надзорен одбор на ЈКП Никола Карев
17. Барање од Светлана Стојанова

Се повикуваат сите младински организации и организации за млади кои се регистрирани согласно Закон за здруженија и фондации, да се пријават на Јавниот повик за избор на младинска организација или организација за млади која ќе раководи со Младинскиот центар во Пробиштип во временски период од три години.

Младинските центри се места каде се подготвуваат и спроведуваат програми кои ја подобруваат благосостојбата на младите, развој на личниот, социјалниот и професионален живот на младите, се споделуваат информации од важен интерес за младите и други аспекти од животот на младите.

Јавен повик МЦ

Портфолио на младински работници

Јавен повик

Образец Буџет

ДНЕВЕН   РЕД

на 4-та редовна седница на Советот на општина Пробиштип

                (15.12.2025 година, 16:00 )

1. Информација за јавната безбедност и безбедноста на сообраќајот на патиштата на подрачјето на општина Пробиштипза периодот од 01.01.2025 до 30.06.2025 година;
2. Финансиски извештај на ЈКП Никола Карев за период од 01.01 до 30.06.2025
3. Финансиски извештај за реализација на буџетот на Општина Пробиштип за период од 01.01 до 30.09.2025 година
4. Разрешување и именување на членови во Училишниот одбор на СОУ„Наум Наумовски Борче“ од Пробиштип;
5. Разрешување и именување на членови во Управниот Одбор на ЈОУГД,,Гоце Делчев,, од Пробиштип;
6. Разрешување и именување на членови од Одбор за надзор во ЈОУГД,,Гоце Делчев,, од Пробиштип;
7. Разрешување и именување на членови во Управниот Одбор на ОУ Дом на култура „Злетовски Рудар“ од Пробиштип ;
8. Разрешување и именување на членови во Надзорниот Одбор на ОУ Дом на култура „Злетовски Рудар“ од Пробиштип;
9. Разрешување и именување на ВД членови во Надзорниот одбор на Јавното комунално Претпријатие ,,Никола Карев,, Пробиштип;
10. Разрешување и именување на ВД член во УО на Јавното комунално Претпријатие ,,Никола Карев,, Пробиштип;
11. Разрешување и именување на член во Училишен одбор на ООУ Браќа Миладиновци Пробиштип
12. Разрешување и именување на член во Училишен одбор на ООУ Никола Карев Пробиштип
13. Одлука за објавување на јавен повик за избор на младинска организација или организација за млади која ќе раководи со Младинскиот центар во Пробиштип
14. Решение за именување на членови од Советот во Комисија за евалуација на поднесени пријави по јавен оглас за избор на младинска организација или организација за млади која ќе раководи со младинскиот центар во Пробиштип
15. Разрешување и именување на член во Комисијата за финансии, буџет и ЛЕР
16. Молби и барања

Врз основа на Оперативниот план за активни програми и мерки за вработување и услуги на пазарот на трудот за 2025 година, усвоен од Владата на Република Северна Македонија за Програмата за работно ангажирање на – јавни работи, финансирана од Буџетот на Агенцијата за вработување, општина Пробиштип објавува

ЈАВЕН ПОВИК
до
Евидентирани невработени лица со ниски квалификации

Се повикуваат Евидентирани невработени лица со ниски квалификации кои се заинтересирани за учество во Јавни работи во проекти од инфраструктурен карактер и заштита на животната средина да се пријават во општина Пробиштип. (more…)