ОДРЖАНА ДЕВЕТАТА СЕДНИЦА НА ЛОКАЛНИОТ СОВЕТ ЗА ПРЕВЕНЦИЈА

Денес, 16.04.2016 година се одржа деветата седница на Локалниот совет за превенција при општина Пробиштип. Темата на седницата беше „Улогата и значењето на институциите за безбедно спроведување на Претседателските избори 2019“.

На седницата присуствуваа претсавници од Секторот за внатрешни работи од Штип, Полициска станица од Пробиштип, претседателот и членови на Советот на општина Пробиштип, преставник од Општнската изборна комисија, Советодавната граѓанска група, претсавници од образование, здравство, медиуми и други.

За надлежностите на Општинската изборна комисија зборуваше претседателката Ана Ѓоргиева, командирот на Полициската станица Пробиштип, Панче Јовановски ја истакна улогата на полицијата при обезбедувањето на Претседателските избори. Свое излагање имаше и началникот на отсекот за превенција од СВР Штип, Ангелче Стојановски, којшто зборуваше за составот и улогата на Локалниот совет за превенција за цел успешно спроведување на изборите.

Заклучок од седницата изнесе Љупчо Благоевски, којшто ја водеше седницата во замена на градоначалникот, со порака до граѓаните на општина Пробиштип, да покажат одговорност на овие избори, да се одржат во мирна и безбедна атмосфера, согласно изборните закони без да се загрози безбедноста и мирот на граѓаните.

prevencija 2

Бесплатно мерење на крвен притисок и шеќер во крвта

По повод Светскиот ден на здравјето – 7 април, ЈЗУ Здравствен дом “Нада Михајлова” – Пробиштип во соработка со општина Пробиштип организира хуманитарна акција – Бесплатно мерење на крвен притисок и шеќер во крвта.

Акцијата ќе се одржи на плоштадот „Св.Гаврил Лесновски”, на 07.04.2019 година  (недела) од 11:00 до 14:00 часот.

Одбележан 3 Април – Ден на нападот на рудниците во Пробиштип

Во организација на Општинската организација на резервни офицери на Пробиштип, а под покровителство на Градоначалникот на општина Пробиштип, на спомен паркот „Братство и единство“, се одржа свечено одбележување на 3 април, нападот на рудниците за олово и цинк „Злетово“ од страна на Третата македонска ударна бригада во далечната 1944 година, а од минатата година е и патрон на ОО на резервни офицери на Пробиштип.
Одбележувањето на Денот започна во раните утрински часови со марш до месноста „Солиште“. Подоцна, на спомен паркот „Братство и единство“ се одржа централната манифестација со културно уметничка програма, во склоп на која се положи свежо цвеќе на споменикот на паднатите борци од повеќе делегации.

3 April 2019 2 3 April 2019 3 3 April 2019 4 3 April 2019 5 3 April 2019 6 3 April 2019 7

Соопштение, известување, покана и анкетен лист за Јавна презентација и јавна анкета за Предлог ДУП за Блок 13.2

Известување за одржување на Јавна анкета и јавна презентација за донесување на ДУП за Блок 13.2 КО Пробиштип, општина Пробиштип
DUP-za-Blok-13.2-Probistip-58

Соопштение, известување, покана и анкетен лист за Јавна презентација и јавна анкета за Предлог ДУП за Блок 13.1

Известување за одржување на Јавна анкета и јавна презентација за донесување на ДУП за Блок 13.1 КО Пробиштип, општина Пробиштип

 

Анкетен лист за ДУП за Блок 13.1

известување за ЈП и ЈА за Блок 13.1.p.g.-potpisano

Соопштение за ЈП и ЈА за Предлог-ДУП за Блок 13.1 Пробиштип

DUP-za-Blok-13.1-Probistip-56

Пробиштип дел од глобалната акција “Час на планетата земја”

Вечерва во центарот на градот на еден час се исклучија светлата на неколку локации, со што се упати една силна порака за прекумерна потрошувачка на енергија. Голем број млади луѓе јасно ја упатија својата порака за потребата од користење на алтернативна обновувачка енергија.

cas na planeta 2 cas na planeta 3 cas na planeta 1cas na planeta 4

На свеченост промовирана брошура 10 години “Пробиштипски маскенбал”

Со свеченост во салата на Домот на култура беше промовирана брошурата 10 години Пробиштипски маскенбал, под мотото 10 години сме, 10 години забава. Имаше презентација на развојниот пат на сите изминати 10 години. Од тешка импровизација до оригинална манифестација. Балетското студио “Магија” на многу оригинален начин ги презентира сите изминати години, а на поединци и институции им беа дадени благодарници за поддршка и унапредување на манифестацијата. Беа доделени и награди на најдобрите три креативно изработени маски, по конкурсот распишан од Општина Пробиштип.

10 godini maskenbal 1 10 godini maskenbal 2 10 godini maskenbal 3 10 godini maskenbal 4 10 godini maskenbal 5 10 godini maskenbal 7 10 godini maskenbal 8

СВЕТИЛКИТЕ ВО ЦЕНТАРОТ НА ГРАДОТ ЌЕ СЕ ИСКЛУЧАТ 1 ЧАС ВО ЗНАК НА ПОДДРШКА НА ГЛОБАЛНАТА АКЦИЈА „ЧАС НА ПЛАНЕТАТА ЗЕМЈА“

Пробиштип вечерта на 30.03.2019 година (сабота) ќе им се придружи на над 7000 градови во светот кои во рамки на акцијата „Час на планетата Земја“ во 20:30 часот по локално време ќе го исклучат јавното осветлување на
одредени јавни површини во центарот на градот, во времетраење од еден час.
Ќе бидат исклучени светилките на главната улица „Јаким Стојковски“, ул „Јордан Стојанов“, градскиот плоштад „Св. Гаврил Лесновски“ и Секундарниот плоштад.
Акцијата ќе ја поддржат милиони луѓе ширум светот кои вечерва симболично еден час ќе ги исклучат светилките во своите домови за спас на планетата Земја.
Акцијата е директно поврзана со енергетската ефикасност и намалувањето на глобалното загадување, чија цел е подигнување на свеста и промена на навиките при користење на електричната енергија и користење на обновливи извори на енергија.

Поставени фотоволтаични системи на три јавни објекти во општина Пробиштип

На барање на Владата, Европската Унија обезбеди 15,5 милиони евра за развој на руралната инфраструктура. Вкупниот износ на програмата, вклучувајќи го и кофинансирањето од страна на Владата изнесува 20,667 милиони евра. Програмата ја имплементира Министерството за финансии, а истата е администрирана од страна на Светска банка.

Во рамките на оваа програма се реализира проектот „Проектирање и изведба на фотоволтаични системи во рурални општини“. Преку реализацијата на овој проект, финансиран со средствата од Европската унија, се поставени фотоволтаични системи во 36 општини на вкупно 108 објекта со што се допринесува за заштеда на електрична енергија во јавните објекти преку користење на алтернативни извори за производство на енергија и заштита на животната средина. Со средствата од Европската Унија во општина Пробиштип, финансирано е поставување на фотоволтаични системи на следните објекти ООУ „Никола Карев“, Спортска сала во ООУ „Браќа Миладиновци “ и ЈОУДГ „Гоце Делчев“ – објект Изворче.

Со овој проект се зголеми и бројот на користени обновливи извори на енергија, согласно стратешките напори на Владата за поттикнување на користење на обновливи извори на енергија и заштита на животната средина.

Со набавката и инсталацијата на фотоволтаичните системи сите три објекти произведуваат по 15kW електрична енергија на час, со што се направија значајни заштеди кај овие објекти, воедно директно се намалауваат трошоците на Општината.

fotovoltaici2 fotovoltaici3

Се случи осмото издание на Зелникот на баба

Вчера на 23 март на градскиот плоштад во Пробиштип се случи осмото традиционално издание на манифестацијата “Зелникот на баба” 2019.

Учество земаа 16 града од РМ, три од Р. Бугарија и еден од Р. Србија. На лице место се демонстрираше како се изготвува и како се пече под вршник. Имаше натпревар во брзо сукање, каде победи натпреварувачката од Новаци, за нај етно украсена маса беше избрана масата на гостите од Алексинац, Р. Србија. Најмногу средства собраа жените од Пробиштип. Даниела Темелковска и Ирена Спасовска направија одлична атмосфера, се играше на градскиот плоштад кој никогаш не е бил повеќе исполнет. КУД Злетовски рудари и балетот Магија беа преубав декор на сцената. Се на се уште едно успешно издание на Зелникот на баба, кое ќе биде запаметено по огромната посетеност…

zelnik 2019 2 zelnik 2019 3 zelnik 2019 4 zelnik 2019 5 zelnik 2019 6 zelnik 2019 7 zelnik 2019 8 zelnik 2019 9 zelnik 2019 10 zelnik 2019 11 zelnik 2019 12 zelnik 2019 13 zelnik 2019 14 zelnik 2019 15 zelnik 2019 16