Општински Совет

Почитувани сограѓани,

Општина Пробиштип со конституирањето на новиот Совет влегува во период на промени, за коишто сигурен сум дека ќе донесе нова енергија во работењето на локалната самоуправа.

Следејќи ги модерните текови на владеење и раководење, водени од европските практики, ние како Совет на општина Пробиштип, во наредните четири години, ќе вложиме напори за да придонесеме за развој и просперитет на општината и подобар живот на сите граѓани.

Водени од идејата за еднаквост, правда, инклузивност и правичност за сите граѓани на општината, без оглед на национална, верска и политичка припадност, ќе бидеме поддржувачи на сè што е во Ваш интерес и главен коректив на новото локално раководство.

Општина Пробиштип ќе биде подобро место за живеење за сите, затоа ве охрабруваме да бидете упорни во остварувањето на вашите барања, за чија реализација ние напорно ќе работиме.

Промените коишто се случија нѝ даваат за право да се обидеме да го промениме и начинот на досегашното функционирање на општина Пробиштип.

Вашата поддршка и трпение во наредниот период ќе бидат основен мотив за реализација на голем дел од проектите.

Ви благодарам,
Претседател на Совет на општина Пробиштип
Љупчо Благоевски

Етички кодекс

Претседател на Совет на општина Пробиштип

Членови на Совет на општина Пробиштип