ИЗВЕСТУВАЊЕ на граѓаните и засегнатите страни за активностите за доградба на постојна градинка и за документот „Листа за проверка (чек-листа) за планот за управување со животната средина и социјална листа за проверка (чек-листа) за планот за управување со животната средина и социјалните аспекти (ПУЖССА) “ во Општина Пробиштип во рамки на Проектот за подобрување на социјални услуги (ППСУ Проект)
Откако на почетокот на декември во Пробиштип беа монтирани двете компостерски единици набавени по проектот БИООТПАД во кој Универзитетот „Гоце Делчев“ е партнер, веќе е извршена и обука на претставниците од ресторани и хотели и институции кои ќе одлагаат органски отпад во една од компостерките.
Оваа обука беше реализирана во два дела. Теоретскиот дел е спроведен од проф. д-р Марија Хаџи Николова, екстерен експерт по работен пакет 4. Таа пред претставниците ги претстави основните цели на проектот, што претставува процесот на компостирање, зошто е добро да се компостира, пионерските чекори во процесот на рециклирање. Акцент беше ставен на главната цел, а тоа е заштита на животната средина.
Понатаму со помош на летоци и презентација јасно беше назначено кој органски отпад може и смее да се става во компостерката, а кој не смее и не може. Согласно со упатството за користење беа претставени чекорите на компостирање.
Техничките лица за УГД и за Општина Пробиштип по работен пакет 3 – проф. д-р Ѓорѓи Димов и Марјан Михајлов укажаа на важноста на овој пионерски проект во менувањето на навиките, давањето пример на градот, заедницата и воопшто на државата, бидејќи овој проект може да се рашири како една добра пракса низ цела Македонија.
Во вториот дел од обуката на претставниците практично им беше покажано како работи компостерката и како тие во иднина треба да го одлагаат органскиот отпад.
Ве известуваме дека бесплатните ортопедски ехо-прегледи за доенчиња и мали деца ќе се вршат на ден 14.12 2019 г (сабота) од 09-16 часот во просториите на Здравствен дом „Нада Михајлова“ Пробиштип од страна на д-р Мирјана Рунчева специјалист по ортопедија од ПЗУ „Ортомедик“ Штип.
Оваа мерка ќе продолжи и во 2020 година, предвидена е во програмата за социјална детска и здравствена заштита на општина Пробиштип. Пријавување во општина Пробиштип на тел.032-483-131.
Компостерските единици на шведската фирма „БИГХАНА“ веќе се пристигнати во Пробиштип и се распоредени на две локации согласно со претходно утврдените евалуации на теренот и критериумите по проектот „БИООТПАД“.
Во текот на вчерашниот ден тимот од професори ангажирани како технички лица и раководителите на проектот од страната на УГД, како и техничките и експертските лица од страната на Општина Пробиштип, имаа обука за ракување и управување со компостерските единици.
Обуката беше спроведена од страна на Сесилија Ек од Шведска, претставник на компанијата Бигхана и Константин Тумпалов од Софија, Бугарија, од бугарското претставништво на фирмата. Понатаму техничките лица и експертите истата обука ќе ја спроведат и на локалното население кое ќе биде вклучено во проектот и ќе има свој удел во пишувањето историја во процесирањето на органско ѓубриво во Македонија.
Станува збор за исклучително квалитетни и корисни машини кои работат компостирање во еден сосема затворен процес без никакво штетно влијание врз животната средина, а придобивките од нив се органско ѓубриво кое ќе може да се користи за јавните површини на општината, од една страна, и промена на навиките на луѓето во справувањето и сепарацијата на отпадот, од друга страна.
Проектот се реализира преку програмата „Балкан Медитеран“ и ќе трае до 31 мај 2020 година.
Центарот за развој на Источен плански регион објавува повик за млади невработени лица со постојана адреса на живеење во општините во рамки на Источниот плански регион, кои имаат претприемнички дух и визија за започнување на сопствен бизнис.
Целта на Јавниот повик е да се зајакне соработката со приватниот сектор преку поддршка на старт-ап бизнис идеи поврзани со развој на еко туризам и промоција на регионот како туристичка дестинација, во согласност со Стратегијата за развој на туризам во Источен плански регион со Акционен план 2016-2025).
Постапката за избор на бизнис идеите ќе се одвива во фази. Во првата фаза заинтересираните апликанти електронски треба да ги достават концептите за бизнис идеи, со краток опис на бизнис идејата, локацијата каде истата ќе се реализира, како и потенцијалните корисници на услугата или производот кој се предложува.
За најдобрите бизнис идеи, во втората фаза ќе се овозможи техничка поддршка (обука за подготовка на бизнис план и водење на бизнис). Селектираните апликанти заедно со експертите ќе разработат бизнис план и детален опис на бизнис идејата.
Во третата фаза на селекција ќе бидат избрани само одржливи и изводливи бизнис планови кои ќе добијат финансиска поддршка за реализација.
За да бидат подобни за финансирање, предложените бизнис идеи мора да се реализираат на територијата на Источниот плански регион.
Јавниот повик е отворен до 27.12.2019 година до 14 часот, до кога сите заинтересирани апликанти треба да ги поднесат своите бизнис концепти.
Реализацијата на бизнис идеите во рамките на овој Јавен повик се поддржани од Програмата за зачувување на природата во Северна Македонија – фаза 2, проект на Швајцарската агенција за развој и соработка (SDC).
Вашите бизнис идеи можете да ги поднесете тука.
Повеќе информации за Јавниот повик можете да најдете на следниот линк.
По повод 8-ми декември, св. Климент Охридски, на 06.12.2019 година, во холот на Дом на културата „Злетовски рудар“, со почеток во 12 часот ќе биде организирана изложба на фотографии со мотиви на Пробиштип и на нашата општина, а на истата ќе бидат доделени наградите на наградените на Конкурсот за најдобра фотографија.
Сите љубители на убавата фотографија ќе имаат убава можност да го видат нашиот град и општината од еден друг агол преку објективот на фотографите.
ОПШТИНА ПРОБИШТИП
ОДДЕЛЕНИЕ ЗА ЈАВНИ ДЕЈНОСТИ
За продажба на недвижни ствари во сопственост на Општина Пробиштип и избор на правно лице за откуп на отпадни метали по пат на електронско јавно наддавање.
Електронска аукција
http://e-aukcii.probistip.gov.mk/products/aid/102/
ОПШТИНА ПРОБИШТИП објавува:
Награден Фото КОНКУРС
“ПРОБИШТИП ФОТО 2019“
ТЕМА:
„MOЈОТ УБАВ ПРОБИШТИП“
ОСНОВНИ КРИТЕРИУМИ ЗА УЧЕСТВО:
СЕКОЈА ФОТОГРАФИЈА КОЈА НЕМА ДА БИДЕ СОГЛАСНО ПОГОРЕ НАВЕДЕНИТЕ КАРАКТЕРИСТИКИ ЌЕ БИДЕ ДИСКВАЛИФИКУВАНА И НЕМА ДА БИДЕ РАЗГЛЕДУВАНА ОД ЖИРИ КОМИСИЈАТА
ДОСТАВУВАЊЕ НА ФОТОГРАФИИТЕ ЗА УЧЕСТВО:
ФОТОГРАФИИТЕ ДА СЕ ИСПРАТАТ НА АДРЕСА:
Општина Пробиштип,
ул. Јаким Стојковски бр.1
или да се донесат во Канцеларијата на Одделението за јавни дејности во Општина Пробиштип, со назнака:
За награден фото Конкурс „ПРОБИШТИП ФОТО 2019“,
најдоцна до 22.11.2019 година (петок) до 15.30 часот.
АВТОРСКИ ПРАВА:
Со предавањето на фотографиите за учество на Конкурсот секој потврдува дека:
На Фото Конкурсот немаат право на учество вработените во општинската администрација како и нивните потесни семејства
За подетални информации на бројот 032/483-131 лок.107, или на е-маил info@probistip.gov.mk
НАГРАДИ:
Општина Пробиштип за првите три фотографии во двете категории обезбеди награди и тоа:
Фотографии на зададена тема:
I место – 4.000 денари
II место – 2.000 денари
III место – 1.000 денари
Фотографии на слободна тема:
I место – 2.000 денари
II место – 1.500 денари
III место – 1.000 денари
Наградите ќе бидат доделени на 6 Декември, а по повод празникот, 8 Декември 2019 година – „Свети Климент Охридски“ на изложбата која по тој повод, од пристигнатите фотографии, ќе биде поставена во Домот на културата во Пробиштип со почеток во 12 часот.
Општина Пробиштип
Одделение за јавни дејности
Општина Пробиштип има потреба од вработување на неопределено време на еден овластен службеник од областа на безбедноста во Територијалната противпожарна единица Пробиштип за следното работно место:
Општи услови:
Посебни услови
Други посебни услови
Распоред на работно време: дневно работно време, работа во две смени од 07 до 19 часот и од 19 до 07 часот, 40 часа неделно работно време;
Паричен нето износ на плата: 17.691,00 денари.
Напомена: Согласно годишниот план за вработување за 2019 година предвидено е вработување за Македонец.
Црната дудинка (Morus nigra L.) која се наоѓа во дворното место на манастирот “Свети Гаврил Лесновски” во Лесново, општина Пробиштип со решение од Минестерството за животна средина е прогласена за природна реткост. Лесновската дудинка е стара над шсетстотини години, со неа се поврзуваат голем број на легенди поврзани со лековитоста на нејзините плодови. Дудинката е неразделен дел од Лесновскиот манастир и претставува едно од значајните обележја на манастирот, што ја става на исти ранг со прочуениот Охридски Чинар.
Ова е прв случај, Пробиштип да добие вакво признание во делот на природата, прогласување на природна реткост. Ваквите природни реткости се од искличително значење за заедницата, за развојот на туризмот и промоција.
Добивањето на ваков посебен статус, претставува само мотив плус за локалната самоуправа да продолжи и понатаму во заложбите околу заштитата на природното наследство, за што ќе следуваат чекори за конзервација односно преземање на мерки за заштита на оваа исклучителна природна реткост, како и чекори за промоција на црната дудинка.
