Новости

Во чест на Православниот празник Преподобен Свети Гаврил Лесновски чие име и го носи Градскиот плоштад делегации од Oпштина Пробиштип, Совет на општината Црквата „Успение на Пресвета Богородица“, ктиторот г-дин Чедо Петров со фамилијата и авторот на делото г-дин Дејан Јованов положија цвеќе пред Споменикот „Свети Гаврил Лесновски“ во Пробиштип.

Денес, 22.01.2018 (понеделник), градоначалникот Драган Анастасов, го посети првороденото дете во 2018 година во општина Пробиштип.

Малата Тара Јовановска е родена на 10.01.2018 година и е прво дете на Ѓорѓи и Катерина Јовановски.

Градоначалникот ѝм честита на новите родители, а на Тара ѝ подари ваучер од 5.000 денари.

За прв пат оваа година општина Пробиштип обезбеди по 5.000 денари за секое новородено дете предвидени по Програмата за социјална, здравствена заштита и заштита на деца. Родителите на новороденчињата за оваа мерка ќе треба  да поднесат извод од родени, трансакциска сметка, копија од лична карта и да пополнат барање изготвено од страна на општина Пробиштип.

Во раните утрински часови во водите на злетовска река по светиот крст се фрлија десетина младоженци од Злетово, пришто најсреќен беше Далибор Атанасовски, инаку злетовски зет, кој не ја криеше радоста од наоѓањето на крстот во матниот вир на местото викано Пешка.
Во 11 часот пак на градскиот базен пред повеќе илјадна публика во студената вода по светиот крст се фрлија 18 наши сограѓани, а најсреќен од нив беше младоженецот Денис Пановски. Среќните пронаоѓачи на светиот крст од црквата добија по една икона, од Советот на општина Пробиштип по еден акумулатор, дар од фабриката ТАБ МАК Пробиштип, од Зегин таблет и од Градоначалникот по еден златник за спомен на овој убав ден.

Денес, 11.01.2018 година се одржа работен состанок со претставници од општина Рила и општина Пробиштип одговорни за спроведување на проектот Заедничко инвестирање во енергетската ефикасност –  реализација на проект за енергетска ефикасност на Домот на културата „Злетовски рудар“ во Пробиштип финансиран по Interreg IPA CBC програмата, во кој партнери се општина Рила и општина Пробиштип.

Предмет на проектот е реконстукција на административни згради во двете општини, при што во тек е реконструкција на Домот на културата во општина Пробиштип.

На состанокот се разговараше за моменталната состојба на проектот како и негово целосно имплементирање.

Во организација на здружението „Бадникови поворки“, 130 дечиња во Бадникарска поворка дојдоа на градскиот плоштад каде пред големата елка ги пречека градоначалникот на општина Пробиштип Драган Анастасов. Дечињата на еден симболичен начин го најавија Христовото раѓање пеејќи ја песната Вечниот Бог, а Градоначалникот на сите „коледари“ им дари по едно бадниково пакетче, честитајќи им го празникот што следи. Еден убав настан, кој во договор со Општина Пробиштип ќе прерасне во една традиција, а од година во година ќе се збогатува содржината. За многу години верскиот празник Божиќ…Христос се роди…

Во чест на големиот верски празник „Божиќ“, традиционално на 5 јануари се береа бадниковите гранчиња, кои ќе бидат украсен елемент на  бадниковата трпеза.

Годинава оваа традиционална манифестација започна во Гостилница „Читална“, каде се собраа претставници од бизнис заедницата, во потрага за паричката, преку која се бира кум на настанот и организатор за наредната година.

Домаќин на настанот беше минатогодишниот кум, Влатко Кијајов, претставник на Авто центар „Пекор“. Паричката, но и златникот, дар од градоначалникот Драган Анастасов, му припадна на Дејан Јосев, претставник на млекарницата „Алпина деј“ Пробиштип, кој беше избран за нов кум, но и организатор за наредната година.

Местото викано Жгури, се исполни со посетители, подржувачи на оваа манифестација. Ги имаше и од Пробиштип и од Кратово. Свештени лица од црквата Успение на Пресвета Богородица ја благословија трпезата, а паричката и сребреникот од Градоначалникот и се падна на директорката на ООУ „Никола Карев“, Атинка Стојчевска Барљамова, која исто така ќе биде дел од организацијата за наредната година.

Целата манифестација беше пропратена со музика, а присутните освен посната трпеза имаа можност да уживаат во убавата музика, да запеат, но и да заиграат. Генерален покровител на настанот е Општина Пробиштип.

По повод Новогодишните и Божиќните празници Градоначалникот на општина Пробиштип, Драган Анастасов подари новогодишно пакетче на секое дете од ЈОУ ДГ „Гоце Делчев“ од Пробиштип.

За прв пат, Општина Пробиштип реши да ги изненади сите дечиња на последниот работен ден од старата година и да им посака среќни и весели детски денови.

Денес 28.12.2017 (четврток), по повод новогодишните и божиќните празници, Градоначалникот на општина Пробиштип, Драган Анастасов оствари средба со Oпштинската организација на Црвен крст – Пробиштип, Здружението на инвалиди на трудот од Пробиштип и Здружението на пезнионери од Пробиштип.

На средбите се разговараше за идните планови и активности на овие здруженија и можностите за потпишување на меморандуми за соработка, со кои Општината ќе придонесе за подобро и поуспешно  фукционирање.