Новости

Со забавни и спортски активности на децата од Дневниот центар за лица со телесна и ментална попреченост беше одбележан Денот на лицата со попреченост.

Настанот се одржа во спортската сала Софија Петровска.

Градоначалникот Драган Анастасов го поздрави овој начин на одбележување на Денот на лицата со попреченост и изјави дека локалната самоуправа секогаш дава поддршка на оваа категорија на граѓани, но и дека дел од општинската администрација веќе од утре почнува со работилница како дел од Проектот „Комуникација со лица со попреченост и овозможување на соодветен пристап до информации од јавен карактер„, на која ќе бидат опфатени теми, токму за правата за пристап до информаии од јавен карактер согласно Конвенцијата на ОН на лицата со попреченост, Законот за слободен пристап до информации од јавен карактер во Македонија, како и техники и методи на комуникација со лица со различен вид на попреченост.

Оваа активност ќе придонесе кон подобрување на локалните услуги преку поефикасно доставување на информации од јавен карактер и комуникација со граѓаните со попреченост.

• Раздолжено е повеќе од 21 милион денари од наследениот долг од над 180 милиони денари
• Во соработка со Владата на Република Македонија и Министерството за транспорт и врски, обезбедени се средства од 6 милиони евра за реконструкција на патниот правец Пробиштип – Крупиште во должина од 18 километри. Tендерската постапка е завршена, пријавени се четири економски оператори, во тек е евалуација и избор на најповолен понудувач. Реконструкцијата започнува до крајот на 2018 година, а ќе трае во текот на цела 2019 година.
• Обезбедени се средства за рехабилитација на патен правец м.в. Киселица – Злетово – Древено – Добрево – Пробиштип во должина од 17,3км, во вредност од 1,5 милиони евра или 91,7 милиони денари од буџетот на ЈП за државни патишта. Потпишан е Договор со Изведувач, а рокот за изведување на работите е до 19.01.2020 година. Се чека на времен режим на сообраќај за отпочнување со работа.
• Обезбедени се средства за рехабилитација на патен правец Пишица – Тркање во должина од 9,85км, во вредност од над 500.000 евра или поточно 32,92 милиони денари од буџетот на ЈП за државни патишта. Потпишан е Договор со Изведувач, а рокот за изведување на работите е до 17.03.2019 година. Веќе е извршено асфалтирање во должина од околу 4 км.
• Во индустриската зона Неокази изградена е канализацијата и пречистителната станица
• Изградена е канализацијата во село Неокази
• Асфалтирана е дел од улицата „Крсте Мисирков“ од старото училиште до мостот во Калниште и изграден е потпорен ѕид на истата
• Асфалтиран е дел од улица „Миро Барага“ во должина од 1250 метри и со ширина од 7 метри
• Се асфалтираа најголем број од ударните дупки по коловозите низ Oпштината. Останатите ќе бидат асфалтирани во текот на месец ноември
• Извршени се земјени работи на неколку полски патишта низ Општината
• Тампониран е крак на улица Осоговска
• Расчистен и тампониран е земјоделски пат во населбата Пробиштип
• Тампониран е патот помеѓу селата Горно и Долно Барбарево
• Аплицирано е во Агенцијата за финансиска поддршка во земјоделството и руралниот развој за обезбедување на средства за пробивање и тампонирање на полски патишта низ Општината
• Во моментот општина Пробиштип работи на целосно ново осветлување на Градскиот плоштад. Проект во вредност од 1,7 милиони денари со кој ќе се осветли и ќе се даде сосема нов современ лик на Градскиот плоштатад

• Завршена е јавната набавка и избран е изведувач за реконструкција на електрична инсталација за осветлување на улицата „Тодор Александров“, на потегот помеѓу улиците „Методија Андонов – Ченто“ и „Димитар Влахов“ и улицата „Кочо Рацин“, на потегот помеѓу улиците „Никола Карев“ и „Димитар Влахов“
• Изградена е фекална канализациона мрежа на ул.„ Славко Баев“
• Изградена е примарна водоводна мрежа, фекална канализација и пробивање и посипување со тампон во Урбан Блок 7.5 во Пробиштип
• Изграден е канализационен крак, извршен е технички прием и пуштена во употреба е Градската капела
• Изготвувена е техничка документација, со ревизија за повеќе капитални проекти, како:

o          Кино салата во Пробиштип, со кој е аплицирано по мерката 321 во Агенцијата за финансиска поддршка во земјоделството и руралниот развој

o          Патниот правец Пробиштип – село Стрмош, со кој е аплицирано по мерката 323 во Агенцијата за финансиска поддршка во земјоделството и руралниот развој

o          Спомен парк „Братство и единство„ со кој е аплицирано по мерката 322 во Агенцијата за финансиска поддршка во земјоделството и руралниот развој

o          Доградба и реконструкција на постоечки сместувачки капацитет во Лесново, со кој е аплицирано за обезбедување на финансиска помош од Меѓународната банка за обнова и развој – Светска банка

o          Реконструкција на улицата „Тодор Александров“, во делот од спојување со улицата „Никола Карев“ до ООУ Никола Карев, со кој ќе аплицираме за обезбедување на средства од Меѓународната банка за обнова и развој – Светска банка, преку Проектот за подобрување на општинските услуги

o          Дом на култура и кино сала во Злетово

o          Улица 3 Април

• Извршена е ревизија на Проектот за изградба на Минеролошка збирка во Пробиштип, за кој ќе поднесеме апликација до Бирото за рамномерен регионален развој, преку Центарот за развој на Источен плански регион
• Течат активностите за номинирање на Лесново за ГЕО ПАРК во Глобалната мрежа на геопаркови на УНЕСКО – Втор на Балканот и единствен во Македонија. Средствата се обезбедени преку Програмата за зачувување на природата во Македонија, како и од сопствените буџети на општина Пробиштип и Кратово
• Обезбедени се 4 согласности и вработени се 4 нови пожарникари за доекипирање на Против Пожарната Единица за прв пат после 20 години
• Преадаптирани се простории во ООУ „Никола Карев“ за детска градинка во населеното место Калниште. Градежните работи се при крај. Останува да се намести подот. Објектот ќе биде спремен да прими 40 дечиња од приградската населба Калниште до крајот на месецот. За овој проект и ова реализирано ветување, на кое сме исклучително горди го реализиравме во соработка со Министерството за труд и социјална политика и е во вредност од 5.942.000 денари со ддв.
• Обезбедени се средства од 600.000 евра од Република Словенија и 600.000 евра од Владата на Република Македонија (вкупно 1.200.000 евра и најголема донација во историјата на Пробиштип) со кои ќе се зголеми капацитетот на пречистителната станица и реконструкција на старата пумпна станица во село Ратавица, со што општина Пробиштип ќе добие можност да обезбеди водоснабдување и во руралните средини.

Потпишан е Договорот со изведувачот и се очекува во наредниот период да бидат воведени во работа.

• Во завршна фаза е процедурата за донесување на 10 Детални урбанистички планови за Пробиштип, 1 детален урбанистички план за Пониква и 1 урбанистичко планска документација за село Лесново
• Деблокиран, продолжен и успешно завршен со реализација Европскиот ИПА Проект за реконструкција на Домот на култура
• Општина Пробиштип, во соработка со Универзитетот „Гоце Делчев“ од Штип и прекуграничните партнери од Грција и Кипар, работи на Проект во вредност од 17.000.000 денари за БИООТПАД. Со овој Проект, Општината ќе добие две големи компостари за биоотпад, кои ќе бидат поставени во централното градско подрачје и населбата Калниште, со што ќе биде прва Општина во Република Македонија и регионот која ќе селектира био отпад за компостирање и Општина пионер за системот на плаќање на комуналните сметките по принципот „Секој плаќа колку што фрла“.
• Реконструирани се и асфалтирани игралиштата на ООУ „Никола Карев“ во Пробиштип
• Распишан е тендер за реконструкција на кровот на спортската сала во ООУ „Никола Карев“ кој завршува на 15 ноември. По изборот на најповолен изведувач ќе биде решен уште еден проблем на граѓаните кој со години наназад се провлекуваше и одолговлекуваше.
• Заменети се дел од старите прозорци со нови ПВЦ прозорци во ООУ „Никола Карев“
• Аплицирано е во Министерство за финансии за поставување на фотоволтаични панели на ООУ  „Никола Карев“, со што ќе се овозможи да се намалат трошоците и се стави во функција училишниот затворен базен
• Набавен е нов парен котел на нафта за системот за загревање во ООУ „Браќа Миладиновци“
• Реконструирано е игралиштето на подрачно училиште „Кирил и Методиј“ во Злетово
• Реконструиран е влезот на подрачно училиште „Кирил и Методиј“ во Злетово
• Обезбедени се дидактички материјали за сите првачиња во општина Пробиштип
• Обезбедени се надгледни средства и дидактички материјали за корисниците во Дневниот центар за лица со телесна или ментална попреченост и специјалната паралелка при ООУ„Браќа Миладиновци“
• Преку Програмата за Општинско-корисна работа „Мрежа од услуги за еднакви можности за сите“ за период од 6 месеци ангажирани се:

o          две лица  – дефектолог и личен асистент за потребите на дневниот центар за лица со телесна или ментална попреченост

o          едно лице за дневна грижа на стари и изнемоштени лица

o          четири негуватели, воспитувач и психолог за потребите на детската градинка

o          две лица – образовни асистенти за ученици вклучени во инклузирана настава

• Воведени се спортски активности за ученици од прво до петто одделение на часовите по физичко воспитание и образование во присуство на одделенски наставник преку ангажирање на лице за период до крајот на годината
• За прв пат во општина Пробиштип се обезбедени по 5.000 денари за секое новороденче (средсва кои се скратени од контото за репрезентација на градоначалникот).
• За прв пат, неселективно, се обезбедија социјални божиќни пакети за СИТЕ корисници на социјална и постојана парична помош
• За прв пат, неселективно, се обезбедија новогодишни пакетчиња за СИТЕ деца во детската градинка
• Обезбедени се 6 прочистувачи на воздух во Детската градинка „Гоце Делчев“ од Пробиштип
• Ангажиран е логопед во детската градинка и општинските основни училишта
• Потпишан меморандум за соработка со здружение „Инклузива“ од Куманово за спроведување на обука на вработените од општина Пробиштип
• Воспоставен е приемен ден со градоначалникот, во сабота од 11 часот (во зависност од работните обврски), кој трае до прием и на последниот заитересиран граѓанин на кој се примени над 2000 граѓани, што докажа дека граѓаните на општина Пробиштип имаат наталожени проблеми кој не биле решавани со години, но и предлози и идеи за подобрување на општинските услуги и Проекти.

Во општина Пробиштип се одржа првата работилница за размена на искуства за номинација на Лесново за Геопарк во Глобалната мрежа на геопаркови на УНЕСКО.

На работилницата поздравно обраќање имаа директорката на Источен плански регион Драгица Здравева, тим лидерот на Програмата за зачувување на природата, Марјана Шушлевска и градоначалникот на општина Пробиштип, Драган Анастасов.

Експертите од Република Хрватска, Горан Павиќ и Горан Радониќ ги презентираа нивните искуства при номинирање на Паук за прв геопарк на Балканскиот полуостров, како за закононската постапка така и за она што значи работа на терен.

Со своја презентација се обрати и професорот Александру Андрасану од Република Романија за искуствата и постапките при номинирање на геопарк Хатек.

Општина Пробиштип е домаќин на третата конференција поврзана со имплементацијата на проектот БИООТПАД. Во присуство на проектните тимови од сите пет проектни партнери вклучени во овој проект, Градоначалникот на општина Пробиштип, Драган Анастасов, ја отвори конференцијата. Во рамки на дискусијата беа презентирани придобивките кои нашата општина ќе ги има со целосната имплементација на проектот. Пробиштип ќе биде прва општина во државата која раководи и имплементира ваков проект. Со овој проект во вредност од 280.000 евра ќе се инсталираат компостерски единици за биоотпад, домаќинствата вклучени во проектот ќе добијат канти и разградливи вреќи за селектирање на отпадот од кој ќе се добива висококвалитетн компост, а од друга страна ќе се придонесе за значително намалување на отпадот на територија на нашата општина.

Денес (22.10.2018 година), градоначалникот на општина Пробиштип, Драган Анастасов, градоначалникот на општина Кратово, Љупчо Бојаџиев, директорката на Центарот за развој на Источен Плански Регион, Драгица Здравева и управителката на Фармахем, Марјонка Велјановска, го потпишаа Договорот за спроведување на иницијативата за номинација на Геопарк – Лесново.

Како една од активностите предвидени за реализација е и иницијативата за номинирање на Лесново за геопарк и негово приклучување кон Глобалната мрежа на геопаркови на УНЕСКО, базирана на Стратегијата за развој на туризмот во Источен плански регион.

Со овој Договор се официјализира поддршката која Програмата за зачувување на природата во Македонија ја дава на општините Пробиштип и Кратово, во чии територии влегува подрачјето на идниот Геопарк – Лесново.

Ова е само прв чекор во постапката за номинација. Во периодот кој следува ќе се врши избор на експерти кои што ќе го истражат подрачјето на двете општини и ќе ги определат точните граници на геопарк Лесново. Понатаму, ќе се формира и раководно тело кое во иднина ќе управува и ќе го развива Геопарк – Лесново, за што е потребна поддршка од општините во избор на квалитетни и квалификувани лица. Истовремено, ќе се реализираат и дополнителни содржини кои што ќе придонесат кон зголемување на вредноста на подрачјето.

Просечниот учител ви зборува, добриот ви објаснува, одличниот ви покажува а беспрекорниот ве инспирира.

Девета година по ред како Општина Пробиштип ја организира свеченоста по повод 5 октомври, светскиот ден на учителот. Единствена сме опшина во Република Македонија што на ваков начин го одбележуваме овој значаен ден. По повод Денот на учителот,Општината распиша конкурс за најдобар учител во сите три општински училишта и во Детската градинка, од каде телата при овие општински установи ги избраа воспитувачката Ката Андонова во ЈОУДГ „Гоце Делчев“, настаникот по физика, Ратка Стојановска во ООУ „Браќа Миладиновци“, Одделенскиот наставник, Марија Богатиновска во ООУ „Никола Карев“ и фискултурецот Јонче Ѓорѓиев во СОУ „Н.Н. Борче“ Пробиштип. На свеченоста на учителите им се обратија Радослав Илиевски, раководител на Одделението за јавни дејности и Љупчо Благоевски, претседател на Совет на општина Пробиштип, а истите го истакнаа значајот на учителите во развојот на општеството и им ја укажаа достојната почит која ја заслужуваат.По повод денот од Општина Пробиштип распишаа литературен и ликовен конкурс, а од пристигнатите песни и цртежи беше направена изложба. Се доделија и награди, па така на ликовниот конкурс победија Јоана Митева, од IIa одделение, трето место, второ место Михаела Томева од Ivа одделение и двете од ООУ „Браќа Миладиновци“, а првото место му припадна на Леон Донев, ученик во V одделение во ООУ „Никола Карев“. На литературниот конкурс третото место го зема Емилија Саздовска од VIв одделение од ООУ „Браќа Миладиновци“, второто место го доби Ивона Љубева од VII одделение од ООУ „Никола Карев“ Пробиштип и првото место го освои Дарио Доберевски, ученик во IX одделение од ПУ „Кирил и Методиј“ Злетово, кое работи при ООУ „Браќа Миладиновци“ Пробиштип. На настанот беше изведена и пригодна програма, а младите балерини од Балетското студио „Магија“ приредија вистинско изненадување преку настап на повеќе од 50 балерини давајќи им по едно срце на присутните, со што на симболичен начин од срце им заблагодарија за се што имаат направен за генерации на пробиштипјани кои имаат минато низ овие училишта. Нека е среќен денот и нека е за многу години…

Р.И.