По повод православниот христијански празник Богојавление – Водици, на 19.01.2026 година (понеделник) ќе се одржи традиционалната манифестација „Чествување на Водици“ во Злетово и Пробиштип.
Во Злетово, настанот ќе започне во 07:30 часот на локацијата „Пешка“, каде ќе се изврши осветување на водите на Злетовска Река и потопување на светиот крст. Светата литургија во црквата „Пресвета Богородица“ ќе започне во 06:00 часот.
Во Пробиштип, манифестацијата ќе се одржи во 11:00 часот на Аква паркот, каде ќе се осветат водите во градскиот базен и ќе се одржи традиционалното капење по светиот крст. Светата литургија во црквата „Успение на Пресвета Богородица“ ќе започне во 08:00 часот.
По завршувањето на литургиите, од двете цркви ќе се тргне со свечена литија кон местата на одржување на настаните, каде ќе се изврши чинот на осветување на водите и потопување на светиот крст.
Ги известуваме сите младоженци кои во текот на изминатата година стапиле во брак, како и сите граѓани кои имаат желба да учествуваат во капењето по светиот крст, дека е задолжително да извршат пријава во црквите во Пробиштип и Злетово.
Пријавувањето ќе се врши од 16 до 18 јануари 2026 година, секој работен ден, во период од 09:00 до 16:00 часот. Лицата кои нема да бидат пријавени нема да можат да учествуваат во капењето по светиот крст.
ОПШТИНА ПРОБИШТИП
Општина Пробиштип согласно Одлуката за субвенционирање на сметки за комунални услуги према ЈКП Никола Карев Пробиштип за лицата со оштетен вид и Програмата за социјална заштита за 2026 година со број 26-1101/22 од 09.12 2025 година обезбедува финансиски средства за субвенционирање на сметки за комунални услуги во износ од 500 ден. за корисници на додаток за слепило од ЈУ Центар за социјална работа Пробиштип.
Се повикуваат лицата со оштетен вид , корисници на додаток за слепило од ЈУ Центар за социјална работа Пробиштип и нивните семејства кои сакаат да ја користат мерката да поднесат барање во тековната година. Барањето може да го поднесе корисникот на мерката или член на неговото потесно семејство во негово име во Одделението за јавни дејности при општина Пробиштип.
Субвенцијата на сметките за комунални услуги према ЈКП Никола Карев Пробиштип ќе се остварува од месецот на поднесување на барање до општина Пробиштип.
ПРИЛОЗИ КОН БАРАЊЕТО
1. Фотокопија од лична карта на подносителот на барањето
2. Фотокопија од лична карта на корисникот на мерката
3. Фотокопија од Решение за користење на надоместок за попреченост-слепило издадено од ЈУ Центар за социјална работа“ Пробиштип
4. Фотокопија од последна сметка за комунални услуги
5. Изјава за согласност за обработка на лични податоци
ОПШТИНА ПРОБИШТИП
Барање за субвенционирање на сметки за комунални услуги за лица со оштетен вид
Барање за субвенционирање на сметки за комунални услуги за лица со оштетен вид
ДНЕВЕН РЕД
на 5-та редовна седница на Советот на општина Пробиштип
(29.12.2025 година, 12:00)
Се повикуваат сите младински организации и организации за млади кои се регистрирани согласно Закон за здруженија и фондации, да се пријават на Јавниот повик за избор на младинска организација или организација за млади која ќе раководи со Младинскиот центар во Пробиштип во временски период од три години.
Младинските центри се места каде се подготвуваат и спроведуваат програми кои ја подобруваат благосостојбата на младите, развој на личниот, социјалниот и професионален живот на младите, се споделуваат информации од важен интерес за младите и други аспекти од животот на младите.
ДНЕВЕН РЕД
на 4-та редовна седница на Советот на општина Пробиштип
(15.12.2025 година, 16:00 )
Врз основа на Оперативниот план за активни програми и мерки за вработување и услуги на пазарот на трудот за 2025 година, усвоен од Владата на Република Северна Македонија за Програмата за работно ангажирање на – јавни работи, финансирана од Буџетот на Агенцијата за вработување, општина Пробиштип објавува
ЈАВЕН ПОВИК
до
Евидентирани невработени лица со ниски квалификации
Се повикуваат Евидентирани невработени лица со ниски квалификации кои се заинтересирани за учество во Јавни работи во проекти од инфраструктурен карактер и заштита на животната средина да се пријават во општина Пробиштип. (more…)
Во согласност со принципите на транспарентност ве информираме дека Министерство за социјална политика, демографија и млади, ќе финансира реновирање на Центарот за социјална работа во општина Пробиштип и за таа цел Општина Пробиштип објавува нацрт-документ за увид на јавноста во следните 14 дена: Контролна листа на план за управување со животна средина и социјални прашања. Документот опишува какво влијание ќе имаат активностите врз животните и социјалните аспекти за време на градежните активности.
Заинтересираните граѓани може да достават коментари користејќи го приложениот образец или со праќање на порака на следните мејлови:
– blagojcovski@probistip.gov.mk (Општина Пробиштип)
– zoran.apostoloski@mtsp.gov.mk (Единица за управување со проектот)
Општина Пробиштип воспоставува механизам за учество на граѓаните во процесот на предлагање на нови иницијативи во подготовка на стратешките планови и фискалната стратегија со цел да развие партиципативното учество и одговорно работење во служба на граѓаните.
Општина Пробиштип распишува Јавен повик за жителите од општина Пробиштип, граѓанските организации и правните субјекти да земат активно учество во креирање на Буџетот на општината за 2026 година.
Процесот на заедничко одлучување овозможува транспарентни практики на одлучување со вклучување на граѓаните, со цел да се развие чувството на одговорност за трошење на општинските средства.
Општината самостојно во рамките на Законот и Статутот на општина Пробиштип надлежна е за следните работи:
Пополнетиот образец со проекти, предлози и идеи со финансиска импликација, согласно горенаведените надлежности на општината може да ги доставите до Архивата на општина Пробиштип или преку пошта на адреса Јаким Стојковски бр.1 , 2210 Пробиштип секој работен ден од 07:30-15:30 часот или на емаил info@probistip.gov.mk најдоцна до 20.11.2025 година.
По предвидениот рок, градоначалникот на општина Пробиштип Тони Тоневски и и надлежната комисија ќе ги анализираат предложените проекти и согласно финансиските можности ќе ги интегрираат во Буџетот на општина Пробиштип за 2026 година, односно во соодветните програми за работа на општината.
ПРИЛОГ ОБРАЗЕЦ
Образец за поднесување на проекти
