Јавен Повик за доделување на финансиски средства од Буџетот на општина Пробиштип за 2018 година за здруженија на граѓани врз основа на предлог проекти.
Финансиските средства предвидени во Програмата за Локален економски развој за 2018 година во Подпрограмата за здруженија на граѓани за реализација на проекти од страна на граѓанските здруженија од буџетот на општина Пробиштип.
Предмет на електронското јавно наддавање согласно Одлуката на Советот на општина Пробиштип бр.26-489/3 од 16.05.2018 година, се следните недвижни ствари:
1. Недвижен имот евидентиран во Имотен лист бр.233 за КО Лезово
со утврдена пазарна вредност од 756.696,00 денари.
2. Недвижен имот евидентиран во Имотен лист бр. 376 за КО Добрево
Со утврдена пазарна вредност од 1.193.080 денари
Врз основа на Оперативниот план за активни програми и мерки за вработување и услуги на пазарот на трудот за 2018 година, усвоен од Владата на Република Македонија за Програмата за работно ангажирање на – јавни работи, финансирана од Буџетот на Агенцијата за вработување, општина Пробиштип објавува
ЈАВЕН ПОВИК
до
Евидентирани невработени лица со ниски квалификации
Се повикуваат Евидентирани невработени лица со ниски квалификации кои се заинтересирани за учество во Јавни работи во проекти од инфраструктурен карактер и заштита на животната средина да се пријават во општина Пробиштип.
За спроведување на оваа програма е предвидена финансиска подршка во износ од 400 денари по ангажирано лице, дневно со вклучен персонален данок на доход и осигурување во случај на несреќа при работа и професионално заболување, за период од 22 дена.
Условите, правата и обврските ќе бидат уредени со склучување на договор помеѓу Единиците на локалната самоуправа, Агенцијата за вработување на Република Македонија и невработените лица.
На корисниците на социјална помош за времетраење на работното ангажирање ќе им биде активно правото на користење на социјална помош.
Заинтересираното невработено лице пополнува пријава за учество, изјава за согласност и доставува копија од лична карата и трансакциска сметка. При пријавувањето за учество во програмата за да се олесни селекцијата на кандидатите, заинтересираните вневработени лица, детално се информираат за работните задачи кои треба да ги извршуваат.
Заинтересираните лица може да поднесат пријава до 13.06.2018 година во општина Пробиштип, секој работен ден од 08:00 до 15:00 часот. Детални информации можат да се добијат во општина Провиштип, Центар за вработување Пробиштип и Центарот за социјални работи Пробиштип.
Општина Пробиштип
Во општина Пробиштип започна асфалтирање на дел од регионалниот пат, улица „Миро Барага“, на потегот од конфекција „Линеа“ кон влезот на градското подрачје. Коловозот е со должина од 1.250 метри, ширина 7 метри и дебелина од 5 сантиметри
Асфалтирањто го врши ЈП „Македонија пат“, додека делот за уредување на одводнувањето и уредувањето на тротоарите односно велосипедската патеката, како и понатамошното одржување се во надлежност на општина Пробиштип.
Во Општина Пробиштип во наредниот период ќе следат повеќе активности во рамки на Програмата за изградба на локални патишта и улици и тоа:
1. Реконструкција на улицата „Црн Врв“ со изградба на тротоари
2. Асфалтирање на повеќе улички во населбата Пробиштип
3. Аслфалтирање на улицата паралелна со улица „Никола Карев“ (помеѓу таканаречените „двокуќи“)
4. Изградба на тротоари на дел од улица Јордан Стојанов (од спојот со улицата „Нада Михајлова“ до улица „Партизанска“)
5. Изградба на улици во населено место Плешенци и во населено место Долни Стубол.
6. Санирање на ударните дупки по улиците низ општината, за што веќе е завршена и тендерската постапка и избран е изведувач
7. Изработка на проктна документација за улици, елаборати за експропријација, рeвизии на проекти и трошоци за надзорски работи на улиците.
На 31.05.2018 година во канцеларијата на Одделението за локален економски развој и заштита на животната средина, се одржа средба со здруженијата на граѓани од општина Пробиштип. На средбата присуствуваа здруженија на граѓани кои работат во областа на алтернативен туризам, земјоделие, заштита на животната средина, уметност, лица со посебни потреби, планинарство, подготовка на бавна храна и сл.
Претставниците на овие здруженија беа запознаени со претстојниот Јавен Повик за доделување на финансиски средства од буџетот на општината, за проекти кои ќе бидат поднесени од страна на здруженијата кои работат во општина Пробиштип.
Исто така, тие беа задолжени за пополнување на прашалници со податоци кои ќе дадат еден краток профил на секое здружение, со цел формирање на базата на податоци за невладин сектор, која во иднина ќе се користи при изработката на Стратегија за развој на невладиниот сектор во општина Пробиштип.
За подготовка на овој значаен документ ќе се организираат неколку последователни работилници од страна на општина Пробиштип, каде ќе се опфатат сите заинтересирани здруженија на граѓани од нашата општина и истите ќе дадат свој придонес во определување на приоротетите за развој на навладиниот сектор како целина, но и приоритетни развојни програми и активности вклопени во Акциони планови за секое здружение посебно.
Во врска со формираните локални акциони планови (ЛАГ) или поконкретно ЛАГ Брегалница (bregalnica.lag.mk) во која учествуваат 6 општини како и општина Пробиштип, исто така беа информирани за можноста за членување во ова новоформирано здружение на граѓани ЛАГ Брегалница, кое ќе работи на проекти за рурален развој за финансиска поддршка од IPARD Програмата.
Здруженијата на граѓани на општина Пробиштип ќе даваат свои предлози за активности кои следнта година би се опфатиле во Подпрограмата за поддршка на здруженија на граѓани на општина Пробиштип.
Градоначалникот на општина Пробиштип, Драган Анастасов, имаше прием на младите спортисти кои од републички натпреварувања се вратија со освоени медали. Овој пат тоа беа младите одбојкари од ОК „Весна Пробиштип“, кои се вратија од кадетското државно првенство во одбојка со освоено трето место и младите кошаркарки од СОУ „Н.Н. Борче“, кои од овагодишната Гимназијада се вратија со сребро. Искажувајќи ја благодарноста за постигнатиот резултат и достојното претставување на општина Пробиштип, Градоначалникот им најави спортска опрема на младите кошаркарки и најави зголемување на средствата во спортот од наредната година со цел мотивирање на младите спортисти за постигнување на спортски успеси. Заедничката фотографија со овие млади спортисти беше овековечена преку заедничка фотографија од средбата. Овој настан со своето присуство го збогатија младите фудбалери од ФК „Рудар – јуниор“, од генерацијата 2006, 2007 и 2008, кои дојдоа да се заблагодарат на Градоначалникот за поддршката која ја имаат од Општина Пробиштип, подарувајќи му дрес. Градоначалникот им посака успешно претставување на нашата општина на меѓународниот турнир во фудбал во Белград, Република Србија.
bty
Р.И.
По повод 20-ти мај – Ден на пожарникарите во Република Македонија, ТППЕ на градскиот плоштад во Пробиштип одржа тактичко-показна вежба, на која беше демонстрирано спасување на лице, настрадано во сообраќајна несреќа.
Градоначалникот на општина Пробиштип, Драган Анастасов, им го честиташе празникот на пожарникарите и им се заблагодари за несебичниот ангажман кој го даваат за нашата безбедност и сигурност, ризикувајќи го сопствениот живот.
Од пожарникарите побара професионален однос како и до сега и посветеност на работата, бидејќи нивната мисија и нивната храброст се важен фактор во градењето на сигурноста и безбедноста на нашите граѓани.
Градоначалникот на општина Пробиштип, Драган Анастасов денес (17.05.2018г.) ги отвори 33-тите регионални пензионерски игри.
Во своето обраќање тој истакна дека, овие игри се прилика за зацврстување на ентузијазмот, пријателствата, но и здравјето на пензионерите.
Несебичната поддршка од општина Пробиштип за пензионерите ќе продолжи и понатаму, во соработка со Министерството за здравство и Министерството за труд и социјална политика во наредниот период ќе се реконструира дел од здравствениот дом „Нада Михајлова“ каде што е предвидено да се смести геријатриско одделение и дом за стари лица, од што бенефит ќе имаат, не само граѓаните од општина Пробиштип, туку и оние од соседните општини.
Согласно потпишаниот Меморандум за соработка со Здружението за старосни пензионери во Пробиштип, Општината и понатаму активно ќе работи на остварување на взаемната соработка и во делот на развивање партнерство и поттикнуање на граѓанската свест за развој на локалната демократија, како и охрабрување во делот на зголемување на мобилноста на лицата во трето доба во рамките на Општината.
Матурантите од педесет и четвртата генерација на средношколци во општина Пробиштип заедно со Балетското студио „Магија“ на Градскиот плоштад „Св. Гаврил Лесновски“ имаа свој мал перформанс, со кој го најавијa, настанот што следи „Дефиле на матурантите“, манифестација, која се случува осма година по ред.
Ова е прва година, што со ваков вовед матурантите ја најавуваат својата матурска забава, за што искрено се надеваме дека ќе стане пракса и ќе биде составен дел од одбележувањето на матурската забава. Инаку, ве потсетуваме дека манифестацијата „Дефиле на матурантите“ ќе се одржи во четврток со почеток во 20:30 часот на секундарниот плоштад во Пробиштип.
По повод освоеното второ место и сребрен медал во Купот на Македонија во одбојка, градоначалникот на општина Пробиштип Драган Анастасов на одбојкарите од ОК ВЕСНА Пробиштип, додели благодарница од општина Пробиштип за постигнатиот успех и ваучер во вредност од 60.000 денари, согласно Правилникот за наградување.
На приемот, истакна дека ОК ВЕСНА Пробиштип е спортска гордост на Општината во изминатите години и дека општина Пробиштип и во наредниот период несебично ќе ги помага и поддржува во рамките на своите можности. Упати голема благодарност до спонзорот на ОК, фабриката за акумулатори ТАБ МАК и додаде дека без несебичната финансиска подршка од нив, успесите на клубот се практично невозможни.
На крај им се заблагодари за придонесот на играчите, со надеж и желби за уште поуспешна сезона догодина.
