Општина Пробиштип ги информира граѓаните дека во четврток, 12 јуни 2025 година, согласно Програмата за општи мерки за заштита на населението од заразни болести за 2025 година и препораките на Министерството за здравство, ќе се извршат следните активности:
– Ларвицидна дезинсекција против комарци
– Прва дерaтизација против глодари (стаорци)
– Време на извршување: од 10:00 до 15:00 часот
Овие третмани ќе опфатат:
– Подрачјата покрај реките Злетовица, Маричанска и Киселица
– Јаловишните депонии, браната Пишица и рудничките базени
– Сите шахти во централното градско подрачје и пригратските населби
– Просториите и околината на училиштата, здравствениот дом, ЈКП и поголемите индустриски капацитети
Во вечерните часови, со почеток од 21:00 часот, ќе се изврши и адултициден третман од земја против возрасни комарци на целата територија на општината.
Ги молиме граѓаните за соработка и придржување кон соодветни мерки на претпазливост за време на спроведувањето на третманите.
Со почит,
Општина Пробиштип