Детска заштита
Со процесите на децентрализација општина Пробиштип во своја надлежност ги доби јавните установи за дневна и социјална заштита на децата.
Jавната установа за дневна и социјална заштита на децата е Јавна општинска установа Детска градинка “Гоце Делчев” во чиј состав работат Работните единици “Цветови” и “Срничка” во Пробиштип и “Изворче” во Злетово.
Јавна општинска установа Детска градинка “Гоце Делчев”
Установата располага со вкупна покриена површина од 3 311 m2 и истата, во зимскиот период се загрева со топловоден систем. Во установата се наоѓаат вкупно 18 занимални со вкупна површина од 939m² и со проектиран капацитет за 390 деца, а располага со вкупна дворна површина од 14 191 m².
Во учебната 2013/2014 година, во детската градинка дневно и социјално се заштитуваат 345 деца, распределени во 13 групи и за нив се грижат вкупно 42 вработени. Дневното и социјаланто заштитување на децата се организира и реалзира во временски интервал од 06.00 до 16.30 часот. Во установата се организираат и реализираат следните програми и проекти “Чекор по чекор” и “Граѓанско образование и приоди кон визуелно размислување”.
РЕ “Цветови”
РЕ “Цветови” е лоцирана на улица “Јордан Стојанов”, број 47/А во Пробиштип и е изградена 1981 година. Во РЕ е сместено и раководството на Јавна општинска установа Детска градинка “Гоце Делчев”. Единицата има проектиран капацитет за 160 деца и расплага со 8 занимални (414m²). Во единицата дневно и социјално се заштитуваат 159 деца, распределени во 6 групи и за нив се грижат вкупно 20 вработени. Во 2 занимални се згижени децата со посебни потреби од Центарот за социјалана грижа. Единицата располага со вкупна покриена површина од 1 260m² и со вкупна дворна површина од 2 555m²;
РЕ “Срничка”
РЕ “Срничка” е лоцирана на улица “Гоце Делчев”, бб во Пробиштип и е изградена 1974 година. Единицата има проектиран капацитет за 80 деца и расплага со 4 занимални (196 m²). Во единицата дневно и социјално се заштитуваат 129 деца, распределени во 4 групи и за нив се грижат вкупно 11 вработени. Единицата располага со вкупна покриена површина од 1 046 m2 и со вкупна дворна површина од 7 629m²;
РЕ “Изворче”
РЕ “Изворче” е лоцирана на улица “Јане Сандански”, бб во Злетово и е изградена 1982 година. Единицата има проектиран капацитет за 150 деца и расплага со 6 занимални (329m²). Во единицата дневно и социјално се заштитуваат 57 деца, распределени во 3 групи и за нив се грижат вкупно 7 вработени. Единицата располага со вкупна покриена површина од 1 005m²и со вкупна дворна површина од 4 007m².